القسم : فتاوى العلاقات الاسرية
عدد القراء : 410

السؤال: بغيت أسأل عن شئ يضيق حياتي انا وامي وإخواني اثنين كبار متزوجين وعندهم عيال اخوي كبير رقم 1 مرته تصير لنا خوال ابوي اخوي اصغر منه رقم 2 مرته وحده من الجماعه نعرفها بصراحة ابي مسوي فساد وضيقة خلق بالبيت وخاصة إنه يساعد بناته الـثنتين والبنتين بعمر 27 و 24 اللي عمرها 27 مو متزوجة موظفة واللي عمرها 24 متزوجة .. ! بصراحة البنتين ابوي معطيهن كل الحرية على كيفهن يسون اللي يبن ما في حرام عند ابوي في تصرفاتهن لأ .. والمشكلة ابوي بعد يساعدنهن بختصر لك بعض المشاكل اللي في بيتنا بنت متزوجة كرهت اخوي رقم 2 ومرته لسبب سخيف جدا لأنها اول ما تزوجت بعدها باسبوع حملت .. راحت زعلت منها لأنها ما علمتها عن حملها وكرهت اخوي ومرته .. ! طبعا هذا مو سبب حقيقي بنظري مرت اخوي من عائلة غنيه وحاسه انها بتكرهها .. لأنهم ناس عندهم فلوس وأهل شكثر وخلاص من تزوج اخوي من سنة 2004 للحين ما في شئ بينهم اما مرت اخوي رقم 1 كبير .. ما تقدر تكرهها لأنها تسوق سيارة وتروح معاها وكل شئ .. ومرات اخوي يطردها لأنه دايما عند شقتهم .. ما تقعد وتخليهم اخوي اصلا يكرهها بس ساكت عنها لأنها تجي وتلاعب بناتهم ويمكن هذا السبب اللي يخليه يسكت ويتحملها ! لأ .. واذا شافت خدامة اخوي رقم 2 تاخذ سكر وعيش من اللي عندنا تشتكي وتقول لا تخسرون الاشياء اللي يشتريها ابوي .. ! وابوي للأسف صاااااااامت ولا يقدر يتكلم ضد بنته ! اما الحين تزوجت وارتحنا من بلاويها شوي وعلى فكرة زواجها فيها غش لأن ام مرت اخوي رقم 1 هي اللي رشحتها حق ناس عشان ياخذونها وألا هي بالاصل تكره الناس اللي نعرفهم ولا تحب أحد والاخت اللي مو متزوجة .. فيها حالة نفسية كل ما شافت اللي نعرفهم بنات يتزوجن واصغر منها يحترق قلبها .. ! اصلا هي من زماااااااان يعني تقريبا من سنة 2001 ما تكلم امي لأسباب مجهولة .. واعتقد سخيفة وشافت روحها ما تزوجت للحين تروح تؤذي امي وتتكلم عنها عند بنات الناس بالتلفون طبعا ابوي موفر لها خط تلفون خاص لها وتتكلم طووول النهار وتحاول تشوه صورة امي بس اغلب الحريم عرفن بلاويها والحمد لله يعني حريم اخواني ترى ما تسلم عليهن ولا شئ وعلى فكرة هذي البنت القذرة اللي مو متزوجة من سنة 2002 الى بداية 2006 كانت حاكره عمرها بغرفتها تخيل ما تطلع من غرفتها اللي اذا تبي تروح للحمام بالليل او تاخذ اكل وبعدين تدخل غرفتها .. واعوذ بالله مرات لما تفتح باب غرفتها وتروح للحمام تطلع ريحت غرفتها خاااااااااااايسه تسد النفس ! وطبعا ابوي موفر لها خط تلفون خاص وعندها كمبيوتر تشبك بالنت متى ما تبي .. ! اما الحين تطلع يعني من سنة 2006 تسوي حق عمرها شاي وتطلب من مطاعم وتروح تفك الباب حق المطعم هي بملابسها ونقابها الحمد لله والشكر ... ! على فكرة اختي اللي تزوجت يوم كانت اختي اللي مو متزوجة وكانت حاكره عمرها .. علمتها شلون تكره مرت اخوي رقم 2 وطبعا من بعد ما طلعت من حكرتها .. لما تشوف مرت اخوي رقم 2 تنزل تحت عند امي تجي وتقعد وتحط عينها بعين مرت اخوي وامي .. وبعدين خلااااااااص صارت مرت اخوي ما تنزل تحت وامي دايما تروح لهم وتسولف عندهم في الشقة وابوي لللأسف يدري عن سوالف بناته من كلام بالتلفون حق الناس ولما تنظر لأمي ومرت اخوي وهي تنزل تحت ومشاكل تصير بايخه وابوي سااااااااااكت ويوقف معاهن .. في كل شئ لأ واخر سالفه صارت سخيفة بين امي واختي اللي متزوجة كانت داقه تلفون وتسأل عن امي شخبارها وشنو يسووون .. قالت لها امي الحمد لله واليوم رحنا حق مرت ولدي اللي ولدت وجابت بنت تروح ترد عليها هـ القذرة وتقول اي خليهم ينفعونك وتسكر تلفون بوجه امي قسم بالله بنات ما يخافن الله وطبعا البنت اللي متزوجة دايما تزعل من امي من مشاكل سخييييييييييييفة جدا اما من ابوي ما تزعل وتسوي اللي بكيفها لأ والحين هي حامل اختي متزوجة ودايما ادعي واقول جعل ان شاء الله اللي في بطنها يطلع ورع مشوه ومعوق يؤذيها في حياتها قسما بالله يا شيخ الدنيا ضاقت في وأمي واخواني اللي صابرين ونتحمل مشاكل البيت بسبب بنتين وابوهن الخواف بدرجة مو طبيعيه وللأسف احنا ما عندنا خوال وهم في ديرة ثانيه مو نفس الديرة اللي احنا فيها يعني ما عندنا احد .. كل قاعدين بالبيت ضايق خلقنا ونتمنى من الله الفرج القريب يا رب والله يا شيخ اتمنى ابوي يموت ونخلص من روتين حياتنا الممل لأنه لو مات اخواني راح يطردون البنتين ونفتك منهن والحياة بتكون بسيطة وحلوة لو صار هذا الشئ بصراحة ابوي انسان غبي جدا عنده فلوس بس يبخل علينا وتطير فلوسه بسبب انه يجيب عمال لأشياء سخيفة جدا حتى خدامة ما يجيب .. لنا ويقول مو لازم يشتكي احيانا من الغدا والعشا اللي انا اسويه انا وامي .. وما يعجبه اي شئ احنا نتعب نخم وننظف البيت واهو ماكو شغل بالمره بس يشتكي فوق راسنا وراس بناته ما عنده الجرأه يعصب عليهن أو يقول لهن أي شئ ( على فكره ابوي انسان يصلي ويقوم الفجر ويصلي وكل شئ لكن أخلاقياته وتصرفاته عكس اللي يقوله الاسلام ) سبحان الله يعني يتهم بالصلوات ولا يحط عينه على البلاوي اللي في البيت واهو يدري وساكت عنها والله يا شيخ قصتنا طووووويله ومشاكل طويله تخلصنا منها والله يستر من القادم شنو مخبئ لنا الله يخليك يا شيخ رد على همي هذا واتمنى ألا تكون مشكلتي موجوده بالموقع ابي ترد علي بالايميل ولا تحطون مشكلتي في موقعكم الله يخليكم صبرت ونفذ صبري اقرأ وادعي دايما بس للحين ما وصل لنا الفرج