القسم : اختيار الزوج أو الزوجة
العنوان : هل أوافق عليه أم لا مع اني اعشقه
عدد القراء : 2651

الإستشارة :السلام عليكم اتمنى قراءة رسالتي كاملة ثم نصحي فانامحتارة انا فتاة ابلغ 20سنة دخلت احد برامج الجوال هذا البرنامج عبارة عن زجاجة تكتب فيها اي كلام يصل الى مجموعة من الاشخاص في اي مكان في العالم .. دائما اكتب احاديث او اذكار او اطلبهم يدعون ... واحيانا اتحدث مع ديانات اخرى وافهمهم الاسلام لكن جميع محاولاتي فشلت .. وقبل شهر كنت مسافرة فارسلت رسالة كتبت فيه انا الان مسافرة ادعو الله ان يوفقكم ويصلحكم ويهديكم كما ادعو لنفسي بالهداية والتوفيق وان يرزقني الله زوجا صالحا .. ردو على رسالتي كثير من الشباب والفتيات جميعم امنو ودعو وشكروا .. ماعدا شخص واحد سأريك مادار بيني وبينه من حوار : هو :كم عمرك ؟ انا :20 هو :العمر كله من جد تبين الزواج . انا : ايوه ليش هو حرام ؟؟ هو : وش ترجعين بصراحه انا ناوي على الزواج ويمكن النصيب يكون عندك ودي استقر. انا : من الاشراف واتو البيوت من ابوابها مافيه زواج من النت . هو : >طيب وانا راح العب يعني اكيد راح ارسل اهلي بس اول تعرفين وش اشتغل ومن اي قبيله وانتي من اي من الاشراف >وانا والله صادق.. انا :انت من وين ؟ هو : انا من الطايف بس شغليىفي تبوك . انا : مااحب الطايف مررة هو: ليش؟ شوي تقولين ماحب اهلها اصابع يدك مو سوا انا :لا اهلها شديدين مرة وعندهم القتل والطلاق زي السلام عليكم . هو : اصابع يدك مو سوا قله من اهل الطايف كذا مو كلهم .. وعلى العموم انا صادق والله انا : صادق في شو ؟؟ هو : والله العظيم انا صادق في موضوع الزواج وماعندي لا لف ولا دوران . أنا : اولا مايجوز اني اخطب لنفسي واتو البيوت من ابوابها كلم اهلي وهم اعرف لمصلحتي ثاني شي تذكر ان الله يعلم ماتخفيه الصدور ايضا هنا من الصعب ان افصح عن اي معلومات عني .. وكما ان جمالي من الممكنىان لايروق لك .وتذكر عندما تأتي سوف تسأل من دلك علينا ؟؟ ايضا انا اود ان اسأال هل لديك اقارب لماذا لم تتزوج منهم ؟؟ هو : والله اني صادق اقسم بالله اني صادق في الزواج وزواج الاقارب كله مشاكل ابغى من برا ابغى ارتاح والجمال مو مطلب اهم شي الاخلاف وطيبة القلب .. انا :أنت من الطايف وانا من القنفذه فرررق مررة وغير كذا اختك بتقول لا مااعرفها واهلي بقولهم ماعرفها . هو : ليه مصعبة الامور . أنا : الزواج مو شي سهل بعدين انا ماحب اكذب خاصة ع اهلي لو سألوني تعرفي فلانه بقول لا وانت اهلك بيسألوك فكر زين هو :اهلي بقول لهم واحد من اصحابي قلي وانت اهلك قولي اعرف اختهم وانا ابغى اكمل نص ديني ودي استقر والله العظيم انا: والله ورايه مستشفى ادعيلي هو :الله يششفيك يااارب .. وش قلتي موافقه ؟؟ أنا : بالنسبة لي اللي يجي من الله حياه الله لكن انت ...لاتجي كذا ع طول لاهلي عندنا واحد يخطب للناس من جماعتنا كلمه .. هو :>والله مأدري وش اقول > >بس انتي قولي لي كيف اجي وانا راح اطامر واجي ودي اكمل نص ديني بالحلال أنا :انت استخير وانا بستخير بعدين نشوف. هو : >اوكي بس حطي ببالك شي اني والله العظيم صادق بس امنيتي انه تخاف الله وتصلي بعدين قولي لي وش اللي تتمنينه في شريك حياتك وقولي اوصافك اذا امكن انا : ابغى واحد يخاف الله يصلي متفاهم متعلم يحبني مووت يصونني ويحميني ويساعدنيىع امور ديني ودنياي ويكون مو ابيض ولا اسمر ولا نحيف ولا دوبا وسط ومااحب الشخص البخيل ابغى مثل في بيت اهلي ع الرغم ان والدي متوفي الا ان كل شي ابغاه يصير .. هو : >اول مره اسمع كلتم حلو ومتزن لاني دايم اسمع عن طلبات البنات وتخوف بس انتي غير قلبك شكله طيوب ولنا ماراح امدح نفسي اخاف اطلع بنظرك كذاب اما البخل ع قد الراتب اعطيك .. انا : صحيح بس اهم شي التفاهم . هو :اصلا مافيه زواج الا وفيه تفاهم ولو مافيه مايتم .. ممكن طولك لونك مواصفاتك . انا : اقرب للبياض مو طويله نحيفه وشعري كثير وطويل مااقدر اوصف اكثر من كذا .. هو :الله يكتبك لك الخير >بس انتي شايفه اللي اسويه صح انا راضي فيكي كذا ولا كذا بس اخاف يوم انتي تندمين انا : ع ايش اندم ؟ هو : >يمكن يجي يوم وتندمين او شي >وبعدين امانه ناقصك شي امانه حتى لو ما صار بيننا شي يكفي سوتلفة معاكي وارتحت لكي انسانه حبوبه طيوبه أنا: اذا انت رجال كفو ليش اندم وبعدين انا راح استخير ملك الملوك واذا ماتبي ماجبرتك ولا طلبت منك شي عادي جدا الله معاك .. هو : >ليش عصبتي والله نيتي زينه استخيري ربي وان شاء الله خير وان شاءالله اكون من نصيبك انتي تدرسين انا : قلت لك قلبي مو معلق بشخص اثق ثقة كبيرة ان الله لن يصيبني بشر مادمت من عباده .. نعم ادرس ثالث جامعة . هو : الله يوفقك صلي الاستخارة وردي لي خبر وان شاء الله تكوني الاولى والاخيرة لاني مستحيل اتزوج ع حبيبتي . انا : هههه انتو كذا يالرجال وبعد الزواج تتغيير مفاهيمه هو : >اذا لقيت راحتي مع زوجتي صدقيني ماراح افكر بالزواج انا :وبسالك تجاوب بامانه وصدق ..لو وافقت عليك وش راح تكون ردة فعلك علي ولو صارت مشكلة وش ردة فعلك . اهو : >شوفي مو كل بنت ارسلت عن طريق برنامج فيه عيب لا انتي واضح من رسايلك انك انسانه تخافي الله انا ارتحت لكي ما ادري ليه شعور غريب لو وحده ...عيرك كان طلبت شحن واشياء وانتي تفكيرك في الزواج والستر ... انا: اها طيب هو : انا عمري 26 >انا ماراح امدح نفسي والله اني انسان محبوب بس كان عندي عيب الا هو الصلاه بس الحمدالله الحين ما اترك ولا فرض طبعا انا من بيت محافظ على الصلاه ودي بزوجه تقدر وضعي وظروفي تحبني تكون حنونه طيبه امنيه لي ويارب تتحقق ... سالني وش اسمي قلتله وسالته .ش اسمه وقاله .. انا : بسالك هل فيك عيب جاوب بامااانه هو>شوفي ياقلبي انا الحمدالله مافيني عيييب والرجال مايعيبه الا جيبه انا ماودي اخذ من اقاربي او جماعتي لسبب اني ودي اشتري راحتي من المشاكل وبعدين ليه ادور وحده من النت رسالتك جات بالصدفه وكنتي تقولين ادعي لنفسي بالزواج الصالح اذا مو مقتنعه فيني او خايفه قولي ماراح ازعل .... قلت له اعطني فرصة افكر هو خذي راحتك انا : تدري ليش مترددة عشان اخاف من النهاية المرة الطلاق هو: الطلاق يكون اخر الحلول و>تدرين ليه ودي بالزواج عشان ما اقرب الحرام ودي حياتي تكون بالحلال بس وين اللي راح توقف معي وين الحنونه وين اللي تحبني لذاتي وين اللي راح تعشقني كل البنات اللي في الزمن ذا تفكبرهم سطحي.. المهم ا سالني بعد 4ايام قلت باستخير واستشير .. استخرت 3 مرات والحمدلله مرتاحة مرررررررة قلت له استخرت لسى باستشير قال استشيري ثقات وقعد يكلمني عن القصر او القاعة والدقاقة وكذا يقول اهلي ملتزمين يبون استراحة بس انا رفضت قال بعوضك بسفر لبرا المملكة ونفلها قلت لا قال ابشري بس راح اصير مديون قلت له تبيني كذا قال ابشري والله ماتغلى عليك وقعد يتفق قلت له استن يمكن اهلي مايوافقو ع حسب سمعتك قال والله اني انسان متزن من بيت محافظ ويسالو.. بإذن الله اكون من نصيبك وتكوني من نصيبي قلت له وشلون تحبر اهلك قال انا بتزوج مو بسوي حرام سهل اعلمهم .. اتفقت انا واياه على كل شي ابيه وهو يبيه حتى على الحمل قلت له انا مابغى ع طول بعد سنة قال اصلا حتى اناابي استمتع ابيك تعشقيني مابي يجي نونو ينسيك زوجك .. بعد سنتين ابي وكل شي اتفقنا عليه.. لمهم الحين لي معاه شهر وشوي عرفته زين انسان طيب قلب لاقصى جد على نياته شوي .. جؤيء بقوة .. صريح مرررة . يصلي لكن عيبه يدخن لمن يعصب وقلتله اتركه قال والله نااادر ادخن وانتي ادعيلي .. احنا نموت في بعض لو يغيب ساعة اقلق عليه وهو نفس الشي ا...لحين يقول مااتخيل اني راح اخذ غيرك .. خاصة ان اتفقنا في امور ... المهم انا عطيته اسم ولي امر وقلت له لو صادق راح اشوف قال والله واللي ياخذه اني صادق وابيك عشقتك وابيك بالحلال انتي عرضي وماراح اخون عرضي دق ع ابوه وكلمة قال يصير خير لمن تجي نتفاهم لمن راح لديرته ابوه قال علي الطلاق ماتاخذها الولد تعب وصار يدعي ع نفسه يقول مستحيل تروحين لغيري ومستحيل اعيش بدونك والله لااخذك غصب والله ماأيأس وربي لااخذك صار يكلم اهله برسمية كيفكم كذا بس وكل مايدق يسلم على ابوه ابوه يستفزه يقوله ها تبي تزوجها ولا هونت قاله انا جيت اسلم ماجيت اكلمك عن الزواج الحين ماتتخيل درجة حبنا وهو بس عقبته ابوه انا قلتله ابوك، مايبيني خلاص مابي المشاكل قال مين بيتزوجك انا ولا هو . انا بتزوجك مالك دخل فيه انا ابيك غصب عن الكل .. خلآص أبوه وافق بعد محاااولات كثييييييرة ألحين هو في الأسبوع هذا بيجي وكلم أهلي بس انا محتارة أوافق عليه أو لا رغم اني والله امووت فيه وأحبه ماتخيل نفسي بدونه لو يغيب ساعه اقلق عليه وهو نفس الشي يقولي ماتخيل والله اخذ غيرك انتي لي بس حتى ان خبطني واحد من جماعتنا قبل اسبوعين ورفضته عشان هذا انا مطمنه وكل شي بس كلآم الناس يجيب لي شكل يخليني اخاف يقولون خذي القريب أفضل من البعيد ماتدرين عنه وعن أخلاقه بس انا من خلال تعاملي معاه شهر ونص لقيته انسان طيب قلب ع نياته شوي بس الشي اللي يبيه يقعد يحاول لحد مايخذه مو بالغصب لا يقعد يحاول الف مرة مايطفش .. المهم وش تنصحني أوافق أو لا استشرت شيخ للتزويج قال توكلي ع الله ووافقي واستشرت شيخ ثاني قال لا توافقي اللي بينكم حب خلوة وشهوة بس .. مالفعل؟