القسم : أهل الزوج اوالزوجة
العنوان : زوجتى وأهلى وأهلها
عدد القراء : 2651

الإستشارة :تزوجت من نحو سبعة أشهر، وكانت العلاقة بين وبين زوجتى طيبة إلى حد ما، وكانت علاقة زوجتى بأهلى جيدة لمدة 4 شهور بعد الزواج ، علمى بأن أبى وأمى يسكنان معنا فى نفس العمارة، ولى أختين متزوجتين ، منذ حوالى شهرين أبتدت الخلافات بين أخوتى وبين زوجتى ، أجد غيرة بينهم متبادلة ، الا أن لى أخت منهما أثق فى حبها لى وأنها عاقلة ، فأجدها تشتكى لى من أفعال زوجتى معهم وأنها أحيانا تكذب عليهم ، وأحيانا وأنا غير موجود لا تحسن ضيافتهم ، وتطلب منهم أن يقوموا لعمل الأكل - غسيل المواعين وأشياء من قبيل ذلك ، وعندما أتكلم مع زوجتى تقول لى أنهم هم الذين يبدأون - أنا كنت بحبهم وهما اللى بدأوا يتغيروا من ناحيتى ، أنهم احيانا يتفقون عليا، تقول لى أنها سمعت أحدى أخوتى تقول للأخرى أنها ماشية على الخطة اللى أتفقوا فيها مع بعض عليها، وكثير من الأمور مثل ذلك ، أمى كانت تحبها فى أول الزواج ، ولكنها الأن بدأت تميل لكلام أخوتى ، وأحيانا زوجتى تتكلم بطبيعتها فتقول كلام من قبيل الهزار ، ولكنهم لا يتقبلونه وأنا أيضا أجدها مخطئة فى ذلك ولكن أبرر لهم أنها لا تفعله بسوء نية وأنما غلطة لسان ، أمى تتضايق أنى أدافع عنها، وابى يأتى فى صف أمى ، المشكلة أن حماتى تتكلم مع زوجتى كثيرا فى التليفون ،وأخاف أن تكون بتوسوس لها ، خصوصا وأن الموضوع كان ماشى كويس وقت الخطوبة ، وبعد كتب الكتاب والقايمة ، لقيت حماتى أتغيرت ، مثلا تقولى بعد كتب الكتاب أنت مش هتدينا نسخة من مفتاح الشقة ، رغم أن بنتها كدة كدة هتيجى وتقعد فى الشقة وأكيد هيكون معاها مفتاح، مثلا كانت تيجى تقولى كل شوية أحنا جبنا كذا وجبنا كذا .....وبعد كدة تقولى أحنا جبنا كل حاجة ومستنينك تخلص أنت كمان ، ولما أنقل العفش ، أكتشف أنهم مش جايبين صينى اللى هو أ -ب جهاز، وبصراحة قفلت منها رغم أنى كنت شايفها كويسة قبل كتب الكتاب ، الأدعى من كدة أن قرايب مراتى خلانها وخالتها مشفتش حد فيهم لغاية يوم الدخلة ، وألاقى مراتى كل شوية تتكلم عن خلانها وخالتها ، دا خالى عمل دا خالى سوا، هما كان فين خلانك من يوم ما أتقدمتلك لغاية دلوقتى - دا كلامى ليها، ومحسسانى أن خلانها أيه حاجة كبيرة قوى ، رغم أنها تيجى تقولى دا بنت خالى بتخرج مع شباب وانا كنت بنصحها لأ متعمليش كدة ومبيسمعوش كلامى،تيجى تقولى كلام بيقولهولها خلانها مبيعجبنيش، وتقولى مرات خالى مسيطرة عليه وبعداه عننا ولما بنروحلهم بتعملش هيا أى حاجة وأحنا اللى بنقوم ونعمل كل حاجة ، مرتين عزمت أهلى فيهم ، وكل مرة تقولى أنا مش هقدر أعزم كل دول ،أنا عروسة جديدة،وخايفة أكون حامل واللا حاجة ومن المجهود ينزل الحمل وفى الأخر لا يبقى في حمل ولا حاجة هما مش هيساعدونى ، ولما جم يساعدوها فعلا ، يقولولى "أهلى" أنها معملتش اى حاجة واحنا اللى عملنا كل حاجة، وهيا تقولى أنا اللى عملت معظم الاكل ، هى كويسة معايا الا فى بعض الحاجات اللى بتخنقنى منها، زى غيرتها الزايدة عليا ، أو محاولتها تمثيل ذلك "الله أعلم " ، وحرمانى من صحابى عشاننها ، برده تقولى أنا كنت مبحبش الأختلاط بين الرجال والستات وفى الجامعة وفى الشغل ، رغم أنها دلوقتى بتحط مكياج عالى وهيا خارجة أو لما بنزور أهلى ، وأتخانقت معاها كتير بسب موضوع المكياج دا، حاجات كتير قوى ، ساعات بتغير من أخواتى البنات عليا ، رغم أختلاف العلاقة بينى وبينهم عنها بينى وبينها، أنا لما تزوجتها ما أتجوزتهاش عن حب ، بس كنت متجوزة عشان شايف فيها صفات الأدب والألتزام ، أخترتها عن تفكير ومنطق ، ودلوقتى عقلى أحتار فيها مش عارف اللى بينى وبينها دا عادى أو بسيط واللا لأ ، وعلاقتى بينها وبين أهلى أعمل فيها أيه ، وأمها أعمل معاها أيه "أشيل التليفون مثلا"،مش عارف أنا محتار ،من المخطأ ومن الذى على حق، وماذا أفعل أفيدونى أفادكم الله وشكرا.