القسم : العلاقة بين الخطيبين
العنوان : هل انتظره ام انهي العلاقه
عدد القراء : 2650

الإستشارة :عمري 25 سنه قبل سنه من الان أخذت دوره في الغرفه التجاريه الصناعيه عن ادارة المشاريع كان معانا مجموعة شباب في الدوره احدى الشباب في الدوره كان جدا معجب بي كلمني عن رغبته في الارتباط بي عمره 26 سنه وكان لديه مشروع قائم كنا مع بعض في البدايه جدا علاقتنا حلوه وكنت معاه اتكلم واتعامل بحدود وهوا كذلك بعد فتره قلت له اذا كنت جاد في الارتباط بي تقدر تكلم اهلي قلي طيب اخد رقم امي في رمضان العام الماضي وقلي اليوم الفلاني راح نكلم اهلك مرت الايام الى قرب انتهاء شهر شوال وهوا ما اتصل وكان عنده ايميلي بس ماكنت ادخل الايميل واذا دخلت ما اشوفه نهاية شهر شوال دخلت الايميل ولقيته موجود على المسنجر كلمته وسلم عليا وفرح كثير جدا وقلي اعتذر منك والله رقمك ضاع لاني فرمت الجهاز حقي قلت له طيب ليش ما ارسلت ليا رساله على الايميل تطلب فيها رقمي وتقولي سبب عدم اتصالك عليا في رمضان واهلي كانوا ينتظروكم قلي والله العظيم فرمت الجهاز وكمان صار لنا ظرف جدا صعب واحد من اهلي كان مريض وبعدين مات الله يرحمه وانا ما فتحت معاه الموضوع ولا قلت له ثاني اذا نكمل مع بعض ولا لا المهم نهاية كلامنا اخد رقم جوالي ثاني وقلي اكلمك في الليل اليوم في الليل ما تصل عليا ولا شي وكالعاده مرت الايام ولا سئل ولا كلمني بعدها اليوم الاول في شهر الحج دخلت المسنجر ولقيته على الايميل هوا بدأ كلمني وقال ليا اناسافرت عشان اكمل دراستي في باريس انا انصدمت جدا من تصرفه وحركته هذي بس قلت براحته واثناء كلامنا اتعمدت اني افتح الموضوع قلت له يعني افهم من كلامك الموضوع انتهى بيننا جلس يحلف ويتعظم ويقول والله ابغاكي وما ابغا غيرك وانا مني راضي اتزوج اي وحده غيرك انتي عجبتيني وانا ابغا مثل مواصفاتك انا كنت طوال الفتره الا ما يكلمني فيها اصلي الاستخاره وادعي ربنا المهم بعدين انهينا كلامنا على المسنجر وقبل ما ننهي الكلام قلت له انتا اذا تبغاني متى تبغى الزواج بالضبط (عشان ابغا اشوف هوا بيلعب ولا لا) قلي طيب اشوف وما رد انا انقهرت وقلت خلاص انا راح انهي الموضوع انا ما ابغا يلعب عليا ونسيت الموضوع بعدها بكم اسبوع في محرم كلمني ورجعت سئلته نفس السؤال(انتا اذا تبغاني متى تبغى الزواج بالضبط ) قام عصب وغير الموضوع هذي الفتره خطبني واحد ثاني ماما كلمتني عنه قلت لها انا ابغا فلان نفس الشاب الا بتكلم عنه الان ماما جدا زعلت مني وقالت انتي الين متى جالسه تحت رحمته اذا يبغاكي ليش يسوي فيكي كدا ليش اهله ما يجوا ......وكلام نصايح الامهات بعدها الى شهر 4 تقريبا كل ما كلمني سئلته نفس السؤال يقوم يعصب ويغير الكلام او يقول طيب ويسكت اخر مره بداية شهر 4 كلمني وكنا على المسنجر ( على فكره نسيت شي كل المرات الا كنت اقابله فيها على المسنجر كان يقول ليا وريني صورتك وانا ارفض بشده وكان يزعل مني ويعصب ويخرج ) قلي وريني صورتك من العام وانا اقلك وريني صورتك قلت له لا اذا تبغاني كلم اهلي وشوفني في بيتنا وكان معصب جدا انا كمان عصبت اتصل عليا ورديت عليه وانا صوتي متنرفز وقلت له ابغا اروح اصلي بعدين اكلمك هوا انصدم من طريقتي في الكلام لاني ما اتكلم معاه ابدا كدا وسكت وانا قلت مع السلامه وعلى طول قفلت السماعه ولا سمعته ايش قال بعدها لما صليت اتصلت عليه وما رد الى هذا اليوم وانا ما كلمته الان بعد ما قريت القصه يا دكتور ميسره ممكن اعرف ايش الاخطاء الا انا وقعت فيها وهل تصرفي صح؟الشاب هذا جدا خلوق ومحترم وكلامه حلو جدا يحترمني بس احيانا لما يعصب مايرضى يتكلم حسن السيره والكل يشهد له بالخير وانا شفت سلوكه بعيني وبصراحه انا اضعه رقم 1 من ضمن الشباب الا شفتهم ذكي ومحترم وناجح وطموح ورجل اعمال ورضي والدين ويحبني كثير وأنا أتأكدت من هذا الشي لانه مره زعلنا من بعض وانا قلت له خلاص انتهى الموضوع بيننا جلس يبكي ويقول والله انا احبك وما ابغا اخسرك يا هنوف وانا كلمت اهلي عنك وانا فعلا عرفت انه كلم ابوه عني وقله ابغا هنوف وكم مره تتكرر المواقف وانا اعصب واقول انتهى الا بيننا وهوا الا يترجاني ويحلف وانا اصلي الاستخاره وارجع له ثان وانا حسيت انه سؤال( اذا تبغاني متى تبغا الزواج ) انه هذا السؤال اوحى له اني انا بتحكم فيه لانه يزعل اذا سئلته وانا والله ما اقصد لاني الان انتهيت من مشروعي ومشروعي صناعي والمصنع في الخارج وكمان ان شاء الله ناويه اكمل دراستي وفي حاجات كثير لازم اسويها ومني عارفه اتناقش معاه ابدا لانه يغير الموضوع او يعصب عليا والمشكله ابغا اعرف متى الزواج عشان ارتب نفسي وارتب اولوياتي ومني عارفه كيف اكلمه لانه دائما حاط جواله المكالمات محوله ولا اقدر اتصل عليه واذا اتصلت المكالمه ما توصله واذا احيانا فتح الخط بمجرد بدء الاتصال يقفل الخط علياطيب اناايش اسوي المشكله احبه كثير وهوا كمان وما ابغا اخسره وهل سؤالي هذا هوا فعلا بيوحي بكدا؟ وهل اكلمه ولا انتظره الين ما يتصل بنفسه وانا عارفه ماراح يتصل راح يسوي كرامه لازم انا الا اتصل عليه؟ ايش اقول له اذا اتصلت عليه؟نسيت اقول شي الفتره الا راحت انا ارسلت له في ايام متباعده 3 رسايل على الايميل اوضح له ليش زعلت منه ومارد عليا ابدا