القسم : العلاقات العاطفية للابناء
العنوان : تورطت بورطه مايعلمها الا الله
عدد القراء : 2656

الإستشارة :السلام عليكم.. الله يخليكم دوروا لي حل..بعد الله والله كريم.. انا سيده مطلقه عندي طفل الحمد لله محافظه على نفسي ومليت من جلسه البيت وقررت ادخل دورات وتعرفت على وحده من نفس مدينتي عن طريق النت ودخلنا الدورات مع بعض وكنا نخرج مع بعض وتمرني مع اخوانها كل خرجه وانبسطت معاها وغيرت جو والحمد لله..اول مره اخرج معاه رحنا نشتري اغراض مرتني مع اخوها ورحنا تعشينا بمطعم واخوها كان يلاعب طفلي والوضع عادي وجيت ركبت السياره لقيته كاتب لي كلام عالقزاز(احبك ياقمر-ومن هالكلام)رغم انها اول مقابله مع اخته خارج المعهد.. طنشت ولكاني شفت واخته مانتبهت.. رجعت البيت ارسل لي رساله على جوالي انه لو احتجتي شيء كلميني ..طنشته فضل كم يوم يرسل وانا مطنشته بالاخير رديت عليه برساله قام يرد وتمادى واتصل وكلمته انه لاعاد ترسل ولاتتصل ومن هالكلام ..قفلت وارسلت رساله بندمي عن اللي حصل من رسايل واتصالات.. رجع ارسل ليش..؟؟احنا ماسوينا شيء .. المهم طنشتتتتتتتتتته كثيرررررررررر..بالشهور.. ورجع ارسل واتصل ووقتها كنت بمشكله مايعلم فيها الا الله وابي احد يسمعني..يتكلم معاي.. ولقيتها فرصه وتكلمت معاه وحكيته بالمشكله ماتوقعت العلاقه بتتطور.. حتى كلامنا ماكان فيه حب وغزل ورومانسيه ابداااااااا..كلام جاد..وهو انسان بصراحه حسيته ذوق ومتفاهم.. طلبته الايميل ارسله ليه.. المره الاولى الثانيه الثالثه كلها كلام عادي ..لين شوي شوي تعمقنا.. بالبدايه قال لي ابغاك بس لو انك مو مطلقه..انتي مافيك شيء بس حظك.. وانا مقتنع بس ((يقصد اني مو بنت)) واهلي ماراح يوافقون.. اقنعته..تعلق فيه اكثر.. صار هو يبيني..وبتحدى اهله.. شاورهم رفضوا..اخوانه الكل يقوله الناس ايش يقولون تاخذ مطلقه.. قالي ايش رايك تتزوجيني مسيار..رفضت.. قال طيب زواج عادي وكل حقوقك بالزواجين محفوظه ولك بيت بس سر اهلي مايدرون رفضت.. يئس قال لي حسسيني انك زوجتي((وانتي مطلقه عادي))رفضت.. قابلته مرتين بوجود اخته الصغيره وهو ضامنها ماتتكلم..مو صديقتي وصديقتي ماتدري..لاطلبته شي مايقصر يجيبه على طول صحي ضميري فجأه وندمت.. تبت وقللت اتصالي فيه-اطنشه باتصالاته ماارد عليه.. فتره ودخلت تحفيظ.. مالاحظت في اهله شيء بالعكس كنت اكثر من اختهم.. ووقفت معاهم بكل شيء.. فتره حسيت باخته الوسطى مو صديقتي ولا اللي تخرج معانا تكرهني.. خرجت معاهم كالعاده بس مو مع اخوهم اللي بيننا علاقه لا الثاني.. واجهت اللي تكرهني..انا ايش سويت لك..؟ قالت اخويه..وتواجهوا علي الاثنين ونقاش حاد بيننا ليش سويتي وهو قال كذا وكذا.. ماصدقتهم بس اثبت لهم ندمي مااقتنعوا طلبوا رقم اهلي مارضيت.. قالوا عشان لو تكلمتي معاه نقولهم قلت لهم وربي تبت ولابي اكلمه وانتوا فكوني منه هو وراي ومهلكني.. واستروا علي ومن هالكلام.. قالت بس بعرف امس كان معاك ولا لا وانا والله ماكنت معاه قالت الا هو امس مختفي..شكله معاك..قالت بنزل اسال امك اذا كنتي خرجتي امس ولالا..قلت لها كدا تسببي لي مشكله.. وتناقشنا نقاش حاد..وهو مايبيك ولايفكر فيك..وحبه لك سبب لنا مشاكل بالبيت صرنا نكرهه..اهلي يعايروني يقولون لي جراره اعرفي تختارين صحباتك.. لانه نفس المشكله حصلت مع وحده من صحباتهم مع نفس الاخ.. تقول خدعتينا بدينك كله مظاهر وانا الحمد لله متدينه بس الشيطان دخل لي والحمد لله ندمت وصحيت.. المهم.. البنت قلت لها خلاص بقطع العلاقه معاكم وهي قالت.. ومع النقاش قلت لها كلنا بالهوى سوى ولا عشان انا انفضحت قدامكم وانتوا مستورين..؟طرطعت وقالت لا ماعندي شيء عشان قدام اخوها فجأه هديت ورخت الحبل وقالت انا مو زعلانه منك..وبتكلميه عادي بس ليش خبيتي عني..؟ليش ماصارحتيني..مادام ترتاحين له عادي استمري معاه..يوم قلت لها لا ببعد بس مو قادره هو وراي قالت تحبينه..؟ بس انتبهي هذا رجال وانتي ماتقدرين له لو حطك براسه يفعل فيك مايرده شيء.. استغربت.. جيت البيت وكان ليه اغراض عندها وجابتها نزلت الكيس وحطيته بالصاله ورحت انام جات امي فتشته لقيت ورقه مكتوب فيها ان الله يمهل ولايهمل واتقي الله بنفسك ولااتتظاهري بالدين..امي شكت قالت ليش..؟قلت غلطانه قالت لا تقصدك..؟ وعديتها معاها.. يومين اختفت هالبنت..ورجعت اتصلت بي طنشتها المره الثانيه رديت قالت كيفك..؟ يابنت لازم اجيك او تجيني...؟ قلت لها ليش.؟ قالت لاتخافي مو ناويه شر..بس خلاص بسافر وبصفي النفوس قيل..يمكن شايله علي بقلبك قلت لها لا ماحقدت واللي صار صار.. قالت بكره او بعده قلت لها مشغوله.. اليوم دقت مارديت ارسلت قالت لازم تجينا بالبيت..وانا راح اكلمك.. انتهت ... تتوقعون ليش ملزمه تشوفني..؟ ايش عندها..؟ ايش ناويه..؟ ايش الحل معاها..؟ وكيف اتصرف..؟؟ هي تعرف بيتنا..وهددت باهلي واعمامي.. انها تعلمهم وانا تفضحني بالنت.. وانا كنت اكلمه وافتح الكاميرا لحظات واقفل..هي اكتشفت قالت الصور عندنا بالجهاز.. سببت لي قلق الله يشغلها بنفسها.. ادري اني غلطانه وجبتها لنفسي.. بس ابي حل...!! اخوها قاطعته كلمني بعد المشكله بيومين ويتعذر عن غيابه ولقيته مو داري عن شيء ابدا.. وتفاجأ بكل شيء قالته..ومستغرب كيف اكتشفوا..؟ اخاف لو طنشتها تجيني بالبيت وتنفذ تهديدها.. علما انه هي واخواتها عدم اختها وحده تحاول بشخص بس مطنشها...والثانيه سبق وشربت حبوب تورطت فيها وتعالجت..ولها عدة علاقات وقدامي البريئات العفيفات وانه اللي انا سويته غلط رغم انهم مروا فيه..وتقول انه امها حاقده وهي عهدتها ولا كانت بتروح لاهلي..ولما كنت معاهم اخر مره قالت انتي هنا وامي عند اهلك..طلعت كذابه..بس بتخوفني.. بالرغم انه الام عكس كلامهم تماما..ومن احسن مايكون معاي..وتمدحني واحسها حبتني..ومره اتصلت علي بالغلط وكلمتني عادي والبنت تقول انها يوم اتصلت كانت بتخاصمك..بس ماكن وقتها شكل وحده معصبه..بعدين احسهم بتعاملهم كأنها بنتهم الغلطانه مو ولدهم وهو رجل بالثلاثين مو طفل عشان يدافعون عنه ويحرسونه والرجل محد يحكم تصرفاته.. انا لجأت لكم بعد الله وانا كلي امل بالله ثم فيكم انكم بتحلونها لانه اهلي مايدرون ولاابيهم يدرون.. امااااااااااااانه بعد قرأتها حذفها وخلوا الرد من المستشار بس..نص الاستشاره امسحووه واللي يعافيكم..